Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

Arsenal, Chelsea និង Sunderland កក់កៅអីវគ្គ ៨ក្រុម EFL Cup

  • ចុះផ្សាយថ្ងៃទី២៧ ខែតុលា ឆ្នាំ២០២១ ម៉ោង ១១:២៧ នាទី ដោយ Mesa
  • 371
  Aa |   aA

អង់គ្លេស៖ ក្រុមដែលកំពុងប្រកបអាជីពនៅលីគទី៣ Sunderland និងតោខៀវ Chelsea ព្រមទាំងក្រុមកាំភ្លើងធំ Arsenal បានកក់កៅអីវគ្គ ៨ក្រុមចុងក្រោយនៃពាន EFL Cup ជាផ្លូវការហើយ បន្ទាប់ពីបានទម្លាក់គូប្រជែងនៅវគ្គ ១៦ក្រុមចុងក្រោយរៀងៗខ្លួនកាលពីយប់មិញនេះ។

Sunderland ដែលបច្ចុប្បន្នកំពុងលេងនៅ EFL League One បានទម្លាក់ Queen Park Rangers ដែលកំពុងលេងនៅលីគទី២ EFL Championship ដោយបាល់ ១១ម៉ែត្រកាត់សេចក្តីក្នុងលទ្ធផល ៣-១ បន្ទាប់ពីបញ្ចប់ ៩០នាទីដោយលទ្ធផលស្មើគ្នា ០-០។


ដោយឡែក តោខៀវ Chelsea ដែលត្រូវទទួល Southampton វិញនោះ ក៏បានឈានឡើងទៅកាន់វគ្គបន្តយ៉ាងតានតឹងផងដែរ ក្រោយចប់ ៩០នាទីក្នុងលទ្ធផល ១-១ ដោយគ្រាប់បាល់របស់ Kai Havertz នាំមុនមុននៅនាទីទី៤៤ មុនចប់វគ្គទី១ ហើយក្រុមភ្ញៀវ Southampton បានតាមស្មើវិញនៅដើមវគ្គទី២ ដោយ Che Adams នៅនាទីទី៤៧។ ក្រោយចប់ ៩០នាទី ឈានដល់វគ្គ ១១ម៉ែត្រកាត់សេចក្តី Chelsea បានឡើងទៅកាន់វគ្គបន្តដោយបាល់ ១១ម៉ែត្រយ៉ាងតានតឹងក្នុងលទ្ធផល ៤-៣។


ងាកទៅកាន់មួយគូទៀតក្នុងពាន EFL Cup យប់មិញនេះដែរ កាំភ្លើងធំ Arsenal ហាក់មិនមានការលំបាកឡើយក្នុងការឈានទៅកាន់វគ្គបន្ត ពោលគឺគ្រាប់បាល់វគ្គទី២ ដោយកីឡាករ Calum Chambers និង Nkeita ម្នាក់មួយគ្រាប់ គ្រប់គ្រាន់ល្មមឱ្យក្រុមលោក Mikel Arteta កក់កៅអីទៅកាន់វគ្គ ៨ក្រុមចុងក្រោយជាផ្លូវការ។


ដោយឡែក សំរាប់កៅអីចំនួន ៥ ទៀតទៅកាន់វគ្គ ៨ក្រុមចុងក្រោយនឹងរកឃើញនៅយប់នេះ ពោលគឺ Burnley ជួបជាមួយ Tottenham Hotspurs, Leicester City ទទួល Brighton, Preston North End ជួប Liverpool, Stoke ទទួលស្វាគមន៍ Brentford និងមួយគូទៀត West Ham ប៉ះក្រុមការពារតំណែងជើងឯក Manchester City ខណៈការប្រកួតនឹងត្រូវធ្វើឡើងដំណាលគ្នាទាំង ៥គូនាវេលាម៉ោង ០១៖៤៥នាទីរំលងអធ្រាតនេះ៕


ព័ត៌មានជាច្រើនទៀតសម្រាប់អ្នក